സ്വകാര്യ ആശുപത്രി മേഖലയിലെ മിനിമം വേതനം പുതുക്കി ഉത്തരവായി.അടിസ്ഥാന വേതനത്തിൽ 100 ശതമാനത്തിൽ കൂടുതൽ വർദ്ധനവ്
സംസ്ഥാനത്തെ സ്വകാര്യ ആശുപത്രി മേഖലയിലെ നഴ്സുമാരുടെയും മറ്റ് ജീവനക്കാരുടെയും മിനിമം വേതനം പുതുക്കി നിശ്ചയിച്ചുകൊണ്ട് സര്ക്കാര് വിജ്ഞാപനമായി. നിലവിലെ 8975 രൂപ അടിസ്ഥാന ശമ്പളം ലഭിക്കുന്ന നഴ്സുമാര്ക്ക് 20,000/- രൂപ അടിസ്ഥാന ശമ്പളം പ്രഖ്യാപിച്ചിട്ടുണ്ട്. അടിസ്ഥാന ശമ്പളത്തിൽ തന്നെ ഇരട്ടിയിലധികം വര്ദ്ധനവാണ് ഇതിലൂടെ ലഭ്യമാവുന്നത്. ഇവര്ക്ക് പരമാവധി 50 ശതമാനം വരെ അധിക അലവന്സും ലഭിക്കും. പുതുക്കിയ വേതന വര്ദ്ധനവിന് 2017 ഒക്ടോബര് 1 മുതൽ പ്രബല്യമുണ്ടാകും. ആശുപത്രികളിലെ മറ്റ് ജീവനക്കാര്ക്ക് 16,000/- രൂപമുതൽ 22090 രൂപവരെ അടിസ്ഥാന ശമ്പളവും പരമാവധി 12.5 ശതമാനം വരെ അധിക അലവന്സും ലഭിക്കും. ഇതര പാരാമെഡിക്കൽ വിഭാഗം ജീവനക്കാര്ക്ക് 16,400/- രൂപമുതൽ അടിസ്ഥാന ശമ്പളവും പരമാവധി 15% വരെ അധിക അലവന്സും ലഭിക്കുന്നതായിരിക്കും. മേൽ പറഞ്ഞ വേതനത്തിന് പുറമെ സര്വ്വീസ് വെയിറ്റേജ്, ക്ഷാമബത്ത, വാര്ഷിക ഇന്ക്രിമെന്റ് എന്നിവയും ലഭിക്കും. ആശുപത്രിയിലെ കിടക്കകളുടെ എണ്ണം അനുസരിച്ച് പരമാവധി 30,000/ - രൂപ വരെശമ്പളം ലഭ്യമാകും.
7775/- രൂപ അടിസ്ഥാന ശമ്പളം ലഭിച്ചുകൊണ്ടിരിക്കുന്ന പൊതുവിഭാഗത്തിലെ ജീവനക്കാരന് 16,000/- രൂപ അടിസ്ഥാന വേതനവും പരമാവധി 2,000/- രൂപവരെ അധിക അലവന്സും ലഭിക്കും.
7825/- രൂപ അടിസ്ഥാന ശമ്പളം ലഭിക്കുന്ന പാരാമെഡിക്കൽ സ്റ്റാഫിന് കുറഞ്ഞത് 16,400/- രൂപ അടിസ്ഥാന വേതനവും പരമാവധി 2,460/- രൂപ വരെയുള്ള അധിക അലവന്സിനും അര്ഹതയുണ്ട്.
മേൽ പറഞ്ഞതുകൂടാതെ 01.10.2017 മുതലുള്ള ക്ഷാമബത്തക്കും സര്വ്വീസ് വെയിറ്റേജ്, വാര്ഷിക ഇന്ക്രിമെന്റ് എന്നിവക്കും ജീവനക്കാര്ക്ക് അര്ഹതയുണ്ട്.
2013ലെ മിനിമം വേതന വിജ്ഞാപനപ്രകാരം നഴ്സുമാര്ക്ക് ലഭിച്ചുവരുന്ന വേതനത്തിന്റെ വന്വര്ദ്ധനവ് നൽകിയാണ് സര്ക്കാര് മിനിമം വേതനം പുതുക്കി നിശ്ചയിച്ചിരിക്കുന്നത്. കിടക്കകളുടെ അടിസ്ഥാനത്തിൽ 5 ശതമാനം മുതൽ 33 ശതമാനം വരെ ലഭിച്ചിരുന്ന അലവന്സുകള് 10 ശതമാനം മുതൽ 50 ശതമാനം വരെയാക്കി വര്ദ്ധിപ്പിച്ചിട്ടുണ്ട്.
സ്വകാര്യ ആശുപത്രി മേഖലയിലെ മിനിമം വേതനം പുതുക്കി നിശ്ചയിക്കുന്നതിലേക്കായി സര്ക്കാര് പുറപ്പെടുവിച്ചിരുന്ന കരട് വിജ്ഞാപനത്തിന്മേൽ വിവിധ തൊഴിലാളി യൂനിയനുകളും മാനേജ്മെന്റുകളും നൽകിയ ആക്ഷേപങ്ങളും അഭിപ്രായങ്ങളും പരിശോധിച്ച ശേഷം മിനിമം വേതന ഉപദേശക സമിതിയി നിന്നും ഇക്കാര്യത്തിൽ ലഭിച്ച നിര്ദ്ദേശവും കൂടി പരിഗണിച്ചശേഷമാണ് സര്ക്കാര് അന്തിമ വിജ്ഞാപനം പുറപ്പെടുവിച്ചിട്ടുള്ളത്. ... See more
